حبيبي ما تخاف الله !!

حبيبي ما تخاف الله!! تعذبني بطول البين
حبيبي وينها أشواقك ؟ علامك قمت تنساني!!

حبيبي كان تغليني وتقول إني من الغالين
وش اللي بدل أوضاعك؟ وخلا الوصل هجراني!

من اول لا تقابلنا أشوف أحلى الغلا يا زين
واحس إنك تبادلني أحاسيس(ن) بوجداني

ولكن!! صدتك هذي لك الله ما لها تخمين
عجزت أفسر صدودك ولا أدري من هو الجاني؟!

أنا يا كل تفكيري ويا حبي ونور العين
أنا لامن هويت اهوى بكل احساس واعاني

إذا أنت تعاني ظروفك وغرابيل الزمان الشين
أجل وش خانتي عندك؟ إذا إنك صدق تهواني

أبيك تصارح انسان(ن) يحبك أول وهلحين
وإذا انته غبت عن عينه يعيش الوقت ولهاني

حبيبي لا تعذبني وحنّ لقلبي المسكين
ترى مابه أحد غيرك أحبه والعمر فاني...